Somos Erva C.B., unha empresa de xardinería e paisaxismo, con base no concello de Mos (Pontevedra), que aspira a crear e manter espazos de lecer, cheos de vida e saúde, especialmente pensados para a xente que goza deles. A nosa actividade abrangue o deseño, a creación e o mantemento de todo tipo de zonas verdes ou axardinadas, tanto públicas coma privadas.

 

A nosa aposta é pola xardinería orgánica e polo respecto das características do ámbito onde se desenvolve a nosa actividade, traballando sempre coa mirada posta no que é sostible. Buscamos así lograr un rendimento óptimo do chan, conseguir a maior vitalidade para as súas plantas e unha beleza harmónica no seu xardín.

 

Así mesmo, recollemos en todo momento as ideas e suxestións que nos achegue o noso cliente, para compor conxuntamente un proxecto viable. Cada xardín é tan único como vostede, polo que usamos a nosa experiencia para artellar un espazo florecente que se adapte ao seu gusto, á arquitectura da súa vivenda e aos trazos específicos da súa contorna.

 

O noso persoal técnico axudaralle a que todo sexa máis fácil. Adaptámonos ás súas necesidades co único fin de obter un resultado positivo e duradeiro.

 

Pídanos asesoramento sen compromiso.